Зелени пазари: Модернизацијата клучна за задржување на потрошувачите
Ќе се модернизираат зелените пазари за да станат поатрактивни. Хипермаркетите се сериозна конкуренција поради што во последниве години на зелените пазари опаднала продажбата и до 20 проценти. Ќе се менуваат начинот, условите на продажба и содржините.
Супер и хипермаркетите се сериозна конкуренција на зелените пазари. Како резултат на ова, продажбата во последниве години се намалила продажбата и до 20 проценти- алармира Групацијата на зелените пазари. Велат дека модернизацијата е клучна да се задржат потрошувачите, за променат и начинот и условите за продажба.
Од Групацијата соопштуваат дека наскоро ќе почне реконструкцијата на Битпазар, а ќе се гради и нов пазар во населбата Ново Лисиче. Двата проекта се во фаза на добивање одобрение за градба.
Во тек е модернизацијата на пазарите во Битола и во Штип. Од Комората бараат државна стратегија за зелени пазари.
Освен големите маркети, закана по нивното работење се и дивите пазарчии. Од Групацијата соопштуваат дека нелојалната конкуренција ги чини и до 50 проценти од прометот.
Дијана Ценевска