Помалите партии со различни ставови за лидерската средба во Виена
Став на дел од помалите партии за лидерската во Виена. ГРОМ бара да не се прифаќаат условите од СДСМ и да се оди на избори. За Достоинство – Заев бил во право кога тврдел дека нема услови за фер избори...
Помалите партии од власта и од опозицијата со различни ставови за очекувањата од лидерската средба во Виена. ГРОМ на Стевчо Јакимовски ги повика Груевски, Ахмети и Тачи да престанат да ги прифаќаат, како што вели, апсурдните услови на Заев и изборите да се одржат на 5-ти јуни. Според него, исполнети се сите услови за фер и демократски избори.
Јанко Бачев од Народното движење за Македонија вели дека на средбата во Виена, меѓународниот фактор ќе се обиде да изврши притисок - или ВМРО-ДПМНЕ да ги одложи изборите или СДСМ да оди на избори.
Од Достоинство, пак, со став- се согласуваат со Заев оти не се исполети услови за фер и демократски избори.
Од Демократскиот сојуз во писмениот допис велат дека нема услови за избори и дека треба да се одложат сѐ додека не се исполнат барањата за избор на експертска влада, за формирање специјален суд, деблокада на СЈО и сѐ додека претседателот Иванов не си даде оставка.
Игор Панов