Повисоки цени на горивата од полноќ
Дизелот ќе се продава по повисока цена за 3 денари, а литар ќе се точи за 47 денари. Бензинот од 95 октани поскапува за половина денар...
Горивата поскапуваат од ноќеска на полноќ. Дизелот ќе се продава по повисока цена за 3 денари, а литар ќе се точи за 47 денари. Бензинот од 95 октани поскапува за половина денар и новата цена ќе изнесува 62,5 денари. За еден денар поскапува и 98-октанскиот бензин – новата цена за литар е 64,5 денари.
За 3 денари повисока цена и на екстра лесното масло за домаќинство, на 35,5 денари. Единствено, нема промена кај цената на мазутот.
Според пресметката на Регулаторна, малопродажните цени на нафтените деривати во просек се зголемуваат за 5,27 проценти. Во изминативе две недели, цената на суровата нафта била повисока за 9,33 проценти, а курсот на денарот во однос на доларот бил понизок.