Попоски на конференција за Западен Балкан во Брисел

Министерот за надворешни работи Никола Попоски денеска во Брисел ќе учествува на конференцијата насловена „Европската иднина на Западен Балкан“.

Теми на дискусијата се и доброто владеење, миграциската криза, а ќе се разговара и за релевантни безбедносни прашања.

Во рамките на конференцијата, министерот Попоски ќе оствари повеќе билатерални средби.

Конференцијата ја организираат Европскaта народна партија, Центарот за европски студии „Вилфрид Мартенс“ и фондацијата „Конрад Аденауер“.