Горивата поскапуваат за половина денар
27.01.2014 14:57
Со новата одлука за определување на највисоките цени на нафтените деривати...
Малопродажните цени на ЕУРОСУПЕР БС 95, ЕУРОСУПЕР БС 98 и ЕУРОДИЗЕЛ (ДЕV) и Екстра лесното масло за домаќинство (ЕЛ1) се зголемуваат за 0,50 денари за литар, објави Регулаторната комисија за енергетика на Македонија.
Со новата одлука за определување на највисоките цени на нафтените деривати, ЕУРОСУПЕР БС-95 ќе изнесува 78,00 денари за литар, цената наЕУРОСУПЕР БС-98 ќе изнесува 79,50 денари за литар, додека цената на ЕУРОДИЗЕЛ (ДЕ V) ќе изнесува 69,00 денари за литар.
Малопродажната цена на Екстра лесното масло за домаќинство (ЕЛ1) изнесува 58,00 денари за литар.
Малопродажната цена на мазутот М1 НС се зголемува за 0,702 денари за килограм, во однос на цената утврдена согласно Одлуката од 13.01.2014 година и со тоа цената на М-1 НС изнесува 40,086 денари за килограм.