Казни и награди за наставниците

Се чини екстерното оценување ќе биде најголемиот тест  за наставниците. Колку од нив биле објективни при оценувањето,  ќе покаже јануарската плата. Најдобрите ќе бидат наградени, а оние што имале најголема остапка во оцената ќе добијат пониска плата. Професорите со кои разговaравме се согласни- ќе се види кој вредно работел , а кој ставал оцени од ракав.

Она што ние сме го стекнувале , она ние што сме го покажале и што сме го работеле  треба да биде награден. Дали од материјална страна, дали интелектуалното ниво уште повеќе ќе ни се зголеми, од друга страна треба да ги наградиме и учениците со знаење, а резултатот да биде покажан подоцна, преку ова ќе видиме кој колку сработил и постигнатиот резултат во овој пропцес, смета професорката Тамара Петреска.

Некои наставници велат дека наградата ќе го валоризара нивниот нивниот долгогодишен труд.  

И тoa како ќе не мотивира, секој професор би се замислил колку треба да вложи во овој дел, ако навистина биде награден за тоа што го работи, но и да биде казнет, вели професорката Тања Дуева.

Од екстерното тестирање најмногу се исплашија  оние наставници кои необјективно делат оцени коментираат професорите . Велат во минатото и самите биле сведоци на такви злоупотреби . Според министертвото за образование овој систем треба да ги исфрли сите аномалии и да го покаже реалното  знаење  на  учениците.

Оваа реформа треба да открие кој наставник прогледувал низ прсти и да ги мотивира учениците да учат за знаење. Со ланското екстерно тестирање беа опфатени околу 15.000 наставници.

Од ресорното министерство информираат дека штом ќе завршат анализите , ќе биде објавена и ранг листата  со казнети и наградени професори .

Со последното екстерно тестирање беа оценувани околу 20 000 ученици од завршните години.  и 2900 наставници .  

Викторија Тодоровска