Македонија трета по гринфилд проекти по глава на жител во Источна Европа

Глобалниот реномиран магазин „Сајт селекшн“ ја рангира Македонија на трето место според гринфилд проекти по глава на жител и на седмо место по гринфилд проекти во Источна Европа. Биле рангирани само инвестициски проекти со вредност над милион долари кои креирале најмалку 20 нови работни места и нов простор од минимум 1.900 метри квадратни.

„Само Чешка и Унгарија се пред Македонија по бројот на гринфилд проекти по глава на жител“- изјави директорот на Дирекцијата за технолошко- индустриски развојни зони Виктор Мизо.

Извозот од зоните во првите четири месеци од годинава е зголемен за 30,4 проценти споредено со 2015-та година. Надмина 565 милиони евра, а разликата меѓу извозот и увозот е повеќе од 130 милиони евра.