Советот за безбедност ќе одржи седница за Косово

Во Њујорк денеска ќе се одржи седница на Советот за безбедност на ОН посветена на Косово, на која ќе се разгледува извештајот на генералниот секретар на ОН, Бан Ки-Мун за работата на УНМИК и ситуацијата на Косово во изминатите три месеци.

Генералниот секретар на ОН изразил загриженост поради бавната примена на договореното во дијалогот меѓу Белград и Приштина. 

Во извештајот кој го опфаќа периодот од 16 јануари до 15 април оваа година, Бан Ки-Мун оценил дека на Косово треба да се работи на промовирање поголема толеранција и помирување меѓу заедниците, обезбедување заштита на малцинските права, како и да се олесни враќањето на раселените, да се поддржат нивните имотни права и да се заштити верската традиција.