„Џонсон Контролс“ почна да ја гради фабриката во Струмица

„Џонсон Контролс“ почна да ја гради втората фабрика во Технолошко- индустриската зона Струмица. Менаџментот најави дека ќе биде готова до април следната година. Ќе произведува делови за прекривки на седишта, кои ќе ги извезува на европскиот пазар.

Успешниот развој на нашата фабрика во Штип и успешната соработка со македонската Влада неколку години наназад го подготвуваше нашиот пат за следниот чекор за новата фабрика во Струмица, рече Владимир Теплик, потпретседател за операции во „Џонсон Контролс“.

Американската компанија најави дека со новиот капацитет, бројката на вработени ќе достигне три илјади.

Според вицепремиерот Пешевски, фактот дека „Џонсон Контролс“, компанија застапена во над 150 држави и со околу 160.000 работници, инвестира повеќе пати во свои капацитети во Македонија, е магнет и за други компании да дојдат тука да видат какви се условите за инвестирање и да почнат свои инвестиции