Бензините поскапуваат за два, а дизелот за три денари
Според денеска донесената одлуката, новата цена на Еуросупер БС-95 ќе изнесува 64 денари за литар, на Еуросупер БС-98 ќе биде 66 денари, Еуродизелот ќе се продава по 50 денари за литар, додека екстра лесното масло за домаќинство за 38,50 денари.
Регулаторната комисија за енергетика соопшти дека малопродажната цена на бензините од ноќеска на полноќ се зголемува за два, а на дизелот за три денари.
Новата цена на Еуросупер БС-95 ќе изнесува 64 денари за литар, на Еуросупер БС-98 ќе биде 66 денари, Еуродизелот ќе се продава по 50 денари за литар, додека екстра лесното масло за домаќинство за 38,50 денари. Цената на мазутот се зголемува и ќе изнесува 20,88 денари за килограм.
Просечната цена на суровата нафта на светскиот пазар во изминатите 14 дена е повисока за 8,82 проценти. Курост на денарот во однос на доларот е повисок за 1,74 проценти, а референтните цени на нафтените деривати на светскиот пазар кај бензините бележат зголемување во просек за 8,21 процент или 38,8 долари за тон. Кај дизелот зголемувањето е за 12,23 проценти односно 46,55 долари за тон.