Комисиска расправа за импичмент на Иванов

Денеска треба да продолжи расправата во Комисијата за импичмент на претседателот Иванов. На вчерашната седница жестока дебата меѓу власта и опозицијата.

Според СДСМ, Иванов со одлуката за аболиција, злоупотребувајќи ја функцијата, ја продлабочил политичката криза и го прекршил Уставот.

Пратениците од ВМРО-ДПМНЕ сметаат дека одлуката на шефот на државата е Уставна и издржана, а барањето на опозицијата за импичмент го оценија како неосновано.

Комисијата има рок до понеделник да подготви финален извештај што потоа треба да го образложи на пленарна седница во Собранието.