Пониски цени на овошјето и зеленчукот на зелените пазари
На почетокот на мај на зелените пазари овошјето и зеленчукот во просек се продавале поевтино од лани. Причината е поголемата понуда на домашниот пазар и поволните временски услови за нивното производство.
Во првата половина на мај, на зелените пазари се нудеше изобилство на сезонско овошје и зеленчук.
Кај овошјето најмногу имало јагоди, цреши, кајсии и праски, кои поради топлото време се појавија порано на пазарите за разлика од минатите години.
Споредено со истиот период лани се забележани пониски цени на портокалите за 32, црешите за 17 и јагодите за 3 проценти.
Поскапи биле лимоните и бананите.
Кај зеленчукот се забележани пониски ценискоро кај сите видови, освен кај лукот.
Зелката и грашакот биле поефтини за 37, доматот 23, а пиперките за 28 проценти.
Методија Трајков