СЈО ги примило одлуките за поништување на помилувањата

Специјалното јавно обвинителство ги примило претседателските одлуки за поништување на помилувањето. Оттаму информираат дека за случајот „Пуч“ продолжува кривичната постапка. Во тек се и другите истражни и предистражни постапки- соопштуваат од СЈО.

Се работи на предметите „Титаник“, „Тортура“- каде што се поднесени предлози за одредување мерка за претпазливост против шестмина, во „Тврдина“ е поднесен предлог за определување мерка притвор против едно лице и мерки за претпазливост против четворица.

И во случајот „Транспортер“ за превоз на ученици во Битола е поднесен предлог за определување мерка притвор против едно лице. Во „ТНТ“ за случајот Космос е донесена наредба за спроведување истражна постапка против тројца.