Се реконструира депото за возови во „МЖ- Транспорт“
Според компанијата, зафатот ќе чини два милиона евра кои се обезбедени од Европската банка за обнова и развој.
Македонски железници- Транспорт почна со реконструкција на депото за возови со што ќе се создадат услови за сервисирање на локомотивите, патничките и на товарните вагони.
„Првпат по 43 години вршиме модернизација на халите и создавање на нормални услови за сервисирање на возовите. И покрај ситуацијата во која се наоѓа „Македонски железници“, имајќи ја предвид мигрантската криза и штрајковите на Солунското пристаниште, сепак изнаоѓаме начини и средства преку проектите на Владата да вршиме реконструкција на овие хали“, изјави Никола Костов, директор на „МЖ- Транпорт“.
Според компанијата, зафатот ќе чини два милиона евра кои се обезбедени од Европската банка за обнова и развој. Се очекува целосната реконструкција да заврши за една година.