Конференција за Самитот Париз Балкан 2016

Во Министерството за надворешни работи на Република Македонија денеска ќе се одржи конференција на тема „Париз Балкан 2016 – клучни предизвици и очекувања на Република Македонија“.

Конференцијата  ќе ја отворат министерот за надворешни работи Никола Попоски и амбасадорката на Франција, Лоренс Оер.

На конференцијата предавање ќе одржи амбасадорот Антоан Грасен, задолжен од страна на француската влада за организација на Самитот за земјите од Западен Балкан што ќе се одржи на 4-ти јули годинава  во Париз.

Грасен ќе направи презентација на Самитот и на темите што ќе бидат опфатени, од кои   дел ќе биде посветен на регионалните инфраструктурни проекти и дополнителните мерки од областа на транспортот и енергетиката.

Најавено е присуство и на амбасадорите на Република Австрија, Ренате Коблер, на Германија, Кристине Алтхаусер и на Италија, Ернесто Белели.