Компанијата „Брако“ ќе вработува средношколци

30 најдобри ученици од четврта година од велешкото средно училиште „Коле Неделковски“ по завршената практика ќе бидат вработени во новата фабрика на компанијата „Брако“ во која се инвестирани 4 милиони евра.

Учениците од електро и машинската струка ќе бидат вклучени во производниот процес на компанијата, ќе бидат обучувани и надгледувани од вработените и искусниот кадар на „Брако“.

За да се подобрат соработката и едукацијата на учениците, „Брако“ му подари на училиштето дел од опремата, на која се произведуваат делови за потребите на компанијата.