Почнува битолскиот „Шекспир фестивал“

Утревечер стартува 4-тото издание на интернационалниот  Битола „Шекспир фестивал“.  До први јули ќе бидат одиграни 10 претстави од светки познати театарски куќи.

Овој фестивал е значајна меѓународна манифестација која за кусо време се етаблира во мрежата на театарските куќи кои го чуваат и негуваат творештвото на најголемиот светски драматург. Тоа го покажаа и изминатите три фестивали рече министерката за култура Елизабета Канческа- Милевска на денешниот прес во Битола.

Годинава фестивалот ќе има богата и разновидна театарска програма со непобитни естетски вредности, која, како што рече Канческа- Милевска, ќе ја презентираат националните театарски куќи од  Соединетите Американски Држави, Србија, Турција, Полска и од Израел.