Над 200 парцели за проектот „Купи куќа за млади“ во Дојран
Според министерот за транспорт и врски Мисајловски, до крајот на оваа година се очекува планот да биде изработен и да се прецизираат парцелите за продажба, кои би почнале да се продаваат преку јавно наддавање во текот на 2017-та година.
Над 200 локации ќе бидат достапни за изградба на куќи за проектот „Купи куќа за млади“ во Општина Дојран. Според министерот за транспорт и врски Мисајловски, до крајот на оваа година се очекува планот да биде изработен и да се прецизираат парцелите за продажба, кои би почнале да се продаваат преку јавно наддавање во текот на 2017-та година.
Преку буџетот на Министерството за транспорт и врски, завршено е уредувањето на уште една пешачка патека која е продолжение на старата и го поврзува Стар и Нов Дојран.
Освен изградба на куќи за млади, со изработка на урбанистичките планови ќе се овозможат и голем број локации за изградба на викенд куќи, за кои има голем интерес, рече градоначалникот Стамов.
Александра Спировска