Нова детска градинка во населбата Пинтија

Отоворена нова детска градинка во населбата Пинтија во Кисела Вода. Министерството за труд и социјална политика излезе во пресрет на барањата на жителите на општината, поради зголемениот број деца од предшколска возраст.

За оваа година ова е шеста градинка што ја отвораме заедно со единиците за локална самоуправа. Како Министерство за труд и социјална политика ние учествуваме најчесто со опремување на градинките. Планирано е до крајот на годината вкупно да се отворат околу дванаесетина градинки, истакна министерот за труд и социјална политика, Диме Спасов.

Додаде дека изминатите години се отворени 49 детски градинки со што, како што рече, е зголемен за повеќе пати капацитетот за згрижување деца од градинка.

Градоначалничката на општина Кисела Вода, Билјана Беличанец Алексиќ информира дека капацитетот на објектот е да згрижи од 80 до 100 дечиња. Има три заминални, едни јасли и како што рече сите придружни простории согласно нормативите што ги налага МТСП.

Оваа градинка, рече Беличанец Алексиќ, е прва во населбата Пинтија и е дел од она што локалната самоуправа треба да го прави, а тоа е да ги урбанизира сите населени места кои со текот на времето биле запоставени.