Еден месец, многу прашања, нема одговори

 

30 дена шампионот е во индуцирана кома, 23 дена од последната официјална информација дека е во стабилна сосотојба. Оттогаш ништо, само многу шпекулации.

 

„Нема да коментираме шпекулации“-изјави денеска Сабине Кем, менаџерката на Шумахер, откако неколку француски медиуми најавија дека е можно докторите во Гренобл да се обидат да го разбудат Михаел.

Колегите со поддршка, фановите со молитва, медиумите бараат ексклузивитет и шпекулираат.

 

Би-Би-Си спорт со истражување.Прво статистика:

 

1 милион луѓе во Британија живеат со долгорочно сериозно оштетување на мозокот.

 

558 луѓе на 100.000 имале повреди на мозокот.

 

353.052 пациенти биле примени во британските болници во 2011-тата и 2012-тата со повреди на мозокот или во просек по еден на секои 90 секунди.

 

Мислење на 2 експерта: проф.Гери Харстеин-главниот доктор во Ф1 во периодот од 2005-та до 2012-та  и Колин Чиф –неврохирург во централната болница во Лондон.

 

Прашање: Може ли Шумахер комплетно да се рехабилитира?

 

Обајцата доктори се единствени:„ Тоа е малку веројатно,да бидеме искрени не е можно Михаел повторно да биде оној како што го познававме“.

 

Според нив, што подолго Шумахер е во кома, толку се помали шансите дека ќе се рехабилитира целосно. И во најдобар случај последиците се следни:

 

-Когнитивни: Губење меморија, концентрација , логично расуддување...

 

-Емционални: Анксионзност, експлозивен бес, раздразливост...

 

-Физички: Проблеми со движење, равнотежа, координација...

 

Општиот став е дека последиците неможе целосно да се предвидат.