Собраниска делегација на 25 сесија на ПС на ОБСЕ

Делегација на македонското Собрание предводена од пратеникот Владимир Ѓорчев, член на делегацијата на Собранието во Парламентарното собрание на ОБСЕ, од денеска до 5-ти јули ќе учествува на 25-годишна сесија во Тбилиси, Грузија.

На сесијата се очекува учество на околу 300 пратеници од 57 земји учеснички и партнери за соработка на ОБСЕ.

Главна тема за дискусија на сесијата е „25 години Парламентарна соработка: Градење доверба преку дијалог“, со којашто Парламентарното собрание на ОБСЕ ќе одбележи четврт век од своето постоење.