Интервентен откуп на пченица од Агенцијата за стокови резерви
06.07.2016 10:46
Агенцијата за стокови резерви во иднина ќе врши интервентен откуп на пченица со повисоки цени од производствените. Досега агенцијата цената ја одредуваше според трошоците за производство.
Интервентниот откуп на пченицата го врши Министерството за земјоделство, преку Агенцијата за стокови резерви.
Агенцијата ја спроведува постапката за избор на понудувачи по интервентна цена според просечните производствени трошоци за килограм пченица во сезонта.
Со измените на законот таа сега ќе биде зголемена до 25 проценти.
Целта е освен покривање на трошоците на земјоделците да им се овозможи и добивка.
Доколку пазарната цена на пченицата е повисока од просечните производствени трошоци,тогаш не се врши интервентен откуп.
Методија Трајков