Самуел Жбогар нов амбасадор на ЕУ во Македонија
Актуелниот шеф на делегацијата на Унијата во Македонија, Аиво Орав, заминува за амбасадор на ЕУ во Подгорица, Црна Гора...
Поранешниот министер за надворешни работи на Словенија и актуелен Специјален претставник на Европската унија на Косово, Самуел Жбогар е нов шеф на делегацијата на ЕУ во Република Македонија, јавува МИА.
Иако од Европската комисија и од Европската служба за надворешни работи (ЕЕАС) се уште не сакаат официјално да потврдат, Жбогар веќе минатата недела поминал успешно на сослушувањето пред Комитетот за надворешни работи (АФЕТ) на Европскиот парламент и добил дозвола од 1-ви септември да ја преземе функцијата од Аиво Орав во Скопје.
Покрај доаѓањето на Жбогар за нов ЕУ-амбасадор во Македонија, од сослушувањето во ЕП е познато и дека актуелниот шеф на делегацијата на Унијата во Македонија, Аиво Орав, заминува за амбасадор на ЕУ во Подгорица, Црна Гора.