МФ ќе поднесе тужба против СДСМ за клевета за еврообврзницата

Министерството за финансии во интерес на точно информирање на јавноста, повеќе пати истакнуваше дека еврообврзницата е издадена во согласност со законите и постапката кои се применувале за издавање на претходните четири еврообврзници.

Сепак, Социјал-демократкиот сојуз продолжува со своите неосновани тврдења во однос на постапката за издавање на еврообврзницата, со кои го нарушува и меѓународниот углед на земјата.

Со цел да се заштити и угледот на институцијата, Министерство за финансии ќе поднесе соодветни тужби до сите инволвирани страни кои со клевета придонесоа за нарушување на меѓународниот углед.

Согласно Кривичниот законик, потсетуваме дека кривична пријава може да се поднесе и за лажно пријавување на кривични дела, соопштуваат од Министерството за финансии.