Почна расправата за ребалансот на буџетот
Почна собраниската расправа за ребалансот на буџетот. Економскиот раст е ревидиран, корекција и кај приходите и кај расходите. Министерот Миноски порача- приоритет е успешното управување со јавните финансии. За СДСМ, е неприфатливо кратењето на парите за капитални инвестиции. Бараат буџетот да има развојна компонента. За ВМРО-ДПМНЕ, економијата ќе продолжи да се развива...
Ревидиран економски раст од 4 на 2,3 проценти, намалување на вкупните приходи за три милијарди денари и на вкупните расходи за 804 милиони денари- почна собраниската расправа за ребалнсот на буџетот. Според министерот за финансии, политичката и економска состојба во земјава во првата половина на годинава се одрзаиле врз остварувањата на првичните проекции. Миновски вели, корекциите се во насока на стабилна фискална позиција на државава, задржување на ниското даночно оптоварување, без промени на даночната политика и благ раст на буџетскиот дефицит под влијание на политичката и мигрантска криза.
Според креаторот на државната каса, од домашни и странски извори ќе се обезбедат пари за редовно сервисирање на обврските по основ на домашниот и надворешен долг. Со став- неприфатливо е зголемување на буџетскиот дефицит, кратење на парите за капитални проекти, Марјанчо Николов од СДСМ побара повлекување на предлог- ребалансот. ВМРО- ДПМНЕ посочи негативните последици по македонската економија се заслуга на СДСМ.
Согласно собранискиот деловник, расправата за ребалансот трае најмногу пет дена.
Сузана Фиданска- Стоевска