СДСМ: Цената на парното да се намали за 30%
Опозициската партија смета дека овие граѓани плаќаат повисоки сметки за греење од реалните, бидејќи уште лани во август се намалила цената на природниот гас во регионот за 30 отсто, што значи и помали трошоци за овие две компании.
Од СДСМ сметаат дека цената на парното треба да се намали за 30 проценти, за потрошувачите кои ги користат услугите на ЕЛЕМ Енергетика и на БЕГ. Опозициската партија смета дека овие граѓани плаќаат повисоки сметки за греење од реалните, бидејќи уште лани во август се намалила цената на природниот гас во регионот за 30 отсто, што значи и помали трошоци за овие две компании.
„Предупредуваме дека Регулаторната комисија за енергетика нанесува огромни штети со тоа што дозволува над 60.000 домаќинства приклучени на топлификационите системи на ЕЛЕМ Енергетика и БЕГ АД да плаќаат повисоки сметки за 30 проценти, и тоа во услови на огромна сиромаштија во Македонија. Секоја одлука ќе биде предмет на ревизија“- се вели во соопштението на СДСМ.