Груевски: Изградбата на гасоводот носи економски бенефит
„Ќе помогне за добивање една енергетска сигурност на долг рок, намалување на цените, еколошка предност во однос на користење други енергенси“, изјави претседателот на ВМРО-ДПМНЕ.
Изградбата на гасоводниот систем носи економски бенефит, и додека траат градежните работи и откако ќе почне испораката на енергенсот- оценува лидерот на ВМРО-ДПМНЕ, Никола Груевски.
„Ќе помогне за добивање една енергетска сигурност на долг рок, намалување на цените, еколошка предност во однос на користење други енергенси“, изјави претседателот на ВМРО-ДПМНЕ.
Додека се гради, истакна Груевски, има голем ефект и за градежните компании.
„Градбата на овој гасовод од Клечовце до Штип имаше ангажирано 400 работници и најголем дел од работите беа изведувани од македонски компании како подизведувачи на главниот изведувач. Има економски бенефит и додека се гради, а уште поголем економски бенефит кога ќе заврши градбата и кога ќе почне да се користи гасот“, нагласи Груевски.