Почина момчето повредено во сообраќајната несреќа во Кисела Вода

Утрово почина 22 годишното момче од Скопје, кое беше повредено во сообраќајната несреќа кај Рампа во скопска Кисела Вода, што се случи ноќта меѓу 26 и 27 јули. Момчето пет дена беше приклучено на апарати за дишење и се бореше за својот живот.

Во несреќата на булеварот „Борис Трајковски“ учествуваа автомобил „БМВ“ со скопски регистарски ознаки, управуван од 43- годишен жител на Скопје и моторцикл Хонда без таблички, управуван од 22- годишникот.

По ударот, мотоциклистот во неконтактибилна состојба беше префрлен во Градската општа болница „Наум Охридски“. Момчето имаше повреди на градниот кош, фрактури по телото и повреди на черепот.

На возилата кои учестуваа во несреќата им се врши вонреден технички преглед, а се анализираат и земените примероци од крв.