Сирија: Бунтовничка група ги има телата на петтемина Руси

Досега непозната сириска бунтовничка група соопшти дека ги има телата на петтемина Руси, кои беа убиени при соборувањето на нивниот хеликоптер и побара нивна размена за заробеници.

Групата, исто така, бара прекин на блокадите на реоните, опколени од сириската армија и нејзините сојузници, како и испорака на хуманитарна помош за луѓето во опколените региони.

Ова е најголемата официјално признаена загуба на руските воени сили од почетокот на нивните операции во Сирија.