Жителите на најпогодените места во скопскиот регион сѐ уште водат борба со надојдената вода
Централна комисија во координација со општините ќе ги проценува штетите од невремето. Парално со утврдувањето ќе се врши и исплатата...
Жителите на најпогодените места во скопскиот регион сѐ уште бијат битка со надојдената вода. Со машини ја испумпуваат од куќите и дворовите. Штетата е голема, поплавени ни се куќите, но продолжуваме да се бориме со последиците од стихијата, велат жителите.
Припадници на армијата, полицијата, пожарникари и од други институции помагаат да се санираат штетите. Централна комисија во координација со општините ќе ги проценува штетите од невремето. Парално со утврдувањето ќе се врши и исплатата.
Отежнат е сообраќајот во Стајковци, Смилковци, Арачиново, Сингелиќ. Овие населени места сѐ уште се без струја. Во прекин е и сообраќајот по скопската обиколница од клучката Хиподром до клучката Сарај. Прекинот ќе трае до завршување на активностите околу нејзиното расчистување.