Закана за тронот? Оклахома го совлада и Мајами!

 

Кевин Дјурант постигна 33 поени, на 12 натпревари по ред има повеќе од 30, а неговата екипа со резултатски убедливата победа на теренот на шампионот (112:95) има втор најдобар учинок во лигата и се зацврстува на врвот на Западната конференција.

 

Иако Оклахома губеше со 22:4 на стартот на мечот, до крајот на натпреварот кошаркарите на Тандер стигнаа до 16/29 во обидите за три поени, а во еден период имаа и 25 поени позитива. Дјурант имаше солиден учинок од поле (12/25), зачинет со 7 скокови и со 5 асистенции. Ова беше 9-та последователна победа за Оклахома Сити, а и во поразот Кралот остана голем. Леброн Џејмс имаше 34 поени, со учинот 12/20 од поле, на кои што додаде по 3 скокови и асистенции.

 

Во Тексас владеат Рокетс, барем во последниве два дена. Пред налетот на Хјустон потклекна и Далас (117:115), откако во претходната рунда паднаа Спарс. Чендлер Парсонс беше најдобар стрелец кај победникот, со 26 поени. Двајт Хауард имаше 21 поен, Џереми Лин 18, а Џејмс Харден повторно не настапи поради повреда. Кај поразените, Дирк Новицки имаше препознатлива партија со 38 поени и со 17 скокови.

 

Спарс претпрпеа трет пораз по ред, што е нивната прва негативна серија сезонава, а доаѓа во мечевите со големите ривали. Домашниот пораз од Чикаго (96:86), се надоврза на гостинските кај Хјустон и кај Мајами.

 

Натпреварот на Атланта против Детроит е доложен, поради лошите временски услови во САД.

 

 

Мајами – Оклахома 95:112

Торонто – Орландо 98:83

Бостон – Филаделфија 94:95

Милвоки – Феникс 117:126

Минесота – Њу Орлеанс 88:77

Далас – Хјустон 115:117

Денвер – Шарлот 98:101

Сан Антонио – Чикаго 86:96

Сакраменто – Феникс 89:99

Клиперс – Вашингтон 110:103

Атланта – Детроит (одложено)