Бразил: Сенатот одобри постапка за импичмент на Русеф

Бразилскиот сенат по повеќе од 15 часа дискусија изгласа продолжување на процедурата за импичмент на Дилма Русеф, која беше времено отстранета од претседателската функција по обвинение за финансиски малверзации.

Одлуката е усвоена со 59 гласа и 21 против. Противниците на Русеф ја обвинуваат дека во првите месеци од својот втор мандат потпишала неколку укази за користење на буџетски средства без да се консултира со Конгресот, како и за други финансиски прекршоци.