Се расчистува теренот во поплавените подрачја, сета расположлива механизација е низ улиците

Надојдената вода се вади од домовите,  домаќинствата етапно добиваат струја. Багери, пумпи за испумпување, цистерни, камиони- сета расположлива механизација е низ улиците на најзагрозените подрачја во скопскиот регион.

Армијата формираше оперативен штаб во Стајковци за поефикасна распределба на активностите за санација. И КФОР се вклучува во помошта за санирање на штетите со 8 инженериски машини.

Во поплавените подрачја во скопскиот регион е воспоставен посебен сообраќаен режим, за да се обезбеди непречена работа на механизацијата за санирање на штетите, како и за непречен дотур на храна, вода и лекови на жителите.