Шумски пожари беснеат во Јужна Франција

Две лица се повредени, а над 2.000 хектари земјиште се опожарени во големите шумски пожари, што ја зафатија Јужна Франција во близина на Марсеј.

Опожарени се дваесетина куќи, а стотици жители се евакуирани. Во гаснењето учествуваат 1.100 пожарникари, шест авиони за гаснење и еден хеликоптер.

Пожарот почнал вчера попладне околу малото гратче Ронјак и брзо се проширил до сувата вегетација на низината Арбоа.