Почнаа преговорите за откуп на винско грозје
Лозарите и винарите почнаа да се договараат за откупот на винското грозје. Родот годинава е подобар од лани, но цената е се уште недефинирана...
На скоро еден месец пред почетокот на откупот на винското грозје, лозарите и винарите го почнаа договорањето за откупните цени.
Лозарите бараат цените да останат на ланското ниво, односно 11 за смедеревката и 13 денари за килограм вранец.
Но, според винските визби, пак, залихи има од минатата година и цената би требало да биде пониска за еден денар.
Од оваа откупна сезона според измените на Законот за вино рокот за плаќањето е скратен и изнесува 3 наместо 6 месеци.
Две вински визби сеуште се должници на лозарите и доколку сакаат да бидат впишани во Регистарот на производители на вино и да продолжат да откупуваат грозје и оваа година ќе треба прво да го исплатат долгот и да платат парична казна на државата.
Методија Трајков