Повеќето улици во поплавените региони се проодни

Стотици војници на Денот на армијата се во кризните места и го прославуваат работно. Помагаат на семејствата што подбргу нивните домови да се вратат во нормална состојба. На терен се и инжинеријата и воената полиција. Повеќето од улиците во поплавените региони се проодни.

„Тоа е наша задача, без разлика колку и да има замор, ние се обидуваме тоа да не го покажеме“, вели Игор Митревски, Инженериски батаљон.

Од почетокот на расчистувањето до денес е направено многу. Војниците раскажуваат дека соработката со населението била голема. Тоа како мотив повеќе , покрај обврската да се помогне, да се излезе во пресрет на настраданите.

„Голема благодарност до месното население кое ја разбра нашата улоги и ни помогна непречно да ја вршиме нашата активнсот“, изјави Игор Павлевски, припадник на Воена полиција.

„Парите од данокот на овие луѓе е нашата плата. Сатисфакцијата е голема кога го гледате напредокот и кога поплавената куќа на крајот ќе ја видите чиста. За кратко време резултатот е видлив. Не може ниту тие да го скријат задоволството, ниту пак ние, затоа што едно благодарам од било кој граѓанин на оваа држава е она што нас ни треба“, изјави потполковникот Стојанче Тодоров.

АРМ останува во поплавените региони сѐ додека на настраданите им е неопходна помош. Велат- одликувањата за заслуги се доказ за вложените напори.

Миле Ристески