Нови вработувања во ТИРЗ, се очекува влез на нови инвеститори

Нови 1.300 вработувања во Технолошко- индустриските зони и нови инвестиции се очекуваат до крајот на годината. Во време на политичка криза странските инвеститори само ги пролонгирале одлуките за инвестирање, но во ниеден момент не се откажале- вели Виктор Мизо, директор на слободните економски зони.

Во моментов преговараме со 7 до 8 компании, преговорите се во различни фази и сметам дека пред Божиќните празници на запад треба да донесат свои одлуки, бидејќи тие треба да имаат функционални погони кон крајот на идната година или првиот квартал на 2018-та, изјави Мизо при посетата не премиерот Димитриев на ТИРЗ.

Според Мизо, до крајот на ноември се очекува уште две- три нови компании да донесат позитивни одлуки за инвестирање.