НБРМ: Раст на економијата од 3,7% годинава

Советот на Народната банка на Македонија (НБРМ) на денешната седница на оцени дека има забрзување на кредитната активност во четвртиот квартал од минатата годинa, кое особено е изразено во последниот месец, посебно кон корпоративниот сектор.

Досегашните остварувања во реалната економија и најновите расположливи податоци на НБРМ упатуваат на натамошен солиден економски раст, на годишно ниво, и на остварување на проектираниот раст на БДП од 3,3 % за целата 2013 година.

За 2014 и 2015 година, според октомвриската проекција, се предвидува натамошен раст на економијата, но со забрзано темпо, со очекувана стапка на раст на БДП од 3,7 % и 4,4 %, соодветно.

Во текот на последниот квартал од минатата година монетарните услови се оценуваат како непроменети, така што максималната каматна стапка на аукциите на благајнички записи се уште е на нивото од 3,25 %.