Коѕиас утре на средби во Македонија

Грчкиот министер за надворешни работи, Никос Коѕиас утре ќе престојува во Македонија. Ќе оствари билатерална средба со својот македонски колега Никола Попоски, а се очекува да биде примен и од претседателот Иванов.

Според најавите, Попоски и Коѕиас ќе разговараат за европската перспектива на Македонија, како и за другите прашања од односите меѓу двете земји. Предвидено е шефот на грчката дипломатија да се обрати пред македонските дипломати.

Коѕиас досега има остварено неколку средби со шефот на македонската дипломатија Попоски, а претходната посета на Македонија беше лани во јуни.

Попоски, пак, беше во посета на Атина во декември, а двајцата министри во меѓувреме имаа и средби на маргините на неколку меѓународни самити.