Нарко- дилери паднаа во рацете на полицијата
Седум лица добија кривична пријава за недозволена трговија со дрога откако МВР вчера спроведе акција за нивно неутрализирање. Петмина членови на групата се уапсени, едно лице е веќе притворено, а полицијата трага по уште еден. При претрес на домовите запленети се различни типови дрога...
Се заортачиле и си направиле мрежа за продажба на дрога. Двајца скопјани заедно со партнерот од Свети Николе тргувале со кокаин, марихуана и со екстази. Ангажирале локални дилери за во нивно име да го туркаат бизнисот, а најголемиот дел од заработените пари си ги ставале в џеб. Маалските препродавачи земале ситен процент од продадената дрога.
Полициската акција за спречување на нелегалната трговија со дрога се одвивала во текот на вчерашниот ден, а завршила рано изутрината, информираат од полицијата. Крвично се пријавени седум лица, од кои шестмина се веќе обезбедени, додека по едно лице полицијата се уште трага.
Меѓу уапсените се и тројцата организатори. При претрес на нивните домови полицијата заплени оружје, пари, мобилни телефони и дел од дрогата којашто не успаеале да ја продадат. Последната акција, како што велат од МВР, е дел од поголемата акција која се води под оперативното име „Брана“ и во која досега се уапсени 30 осомничени, меѓу кои и јавен обвинител, полицаец и директор на општа болница.
Јавното обвинителство за седумтемина осомничени поднесе барање за определување мерка притвор како гарант за нивно присуство во истражната постапка.
Анита Димитријевска