Гинеколог обвинет за смрт на родилка

Прилепското обвинителство поднесе обвинителен предлог против гинекологот поради чија негрижа почина родилка во февруари годинава. Лекарот е осомничен дека на 18 февруари во прилепската болница „Борка Талески“ во којашто работел не интервенирал на време при породувањето на пациентката.

Кога состојбата ѝ се влошила, осомничениот лекар ја оперирал, но било предоцна. Родилката западнала во хемирагичен шок, изгубила многу крв и починала како резултат на обилното крварење.

Лекарот се товари за кривично дело „Тешки дела против здравјето на луѓето“.