Повторно активно свлечиштето на магистралниот пат Ресен-Битола- Прилеп

Неколкудневните врнежи од дожд, повторно го активираа свлечиштето во близина на ромската населба на магистралниот пат Ресен–Битола–Прилеп. Свлечиштето е долго од 300-400-метри и по цела должина во интервали има лизгање на земја и каменања.

Екипи и механија на „Македонија пат“ постајано дежураат и кога ќе се укаже прилика го чистат коливозот. Во телефонската изјава за Македонската телевизија рекоа дека на патот повремено се лизгаат и големи стени, па затоа крајно внимателно се постапува во акциите за расчистувањето на коловозот.

Овој дел од магистралниот пат од синоќа нешто по 21 часот е забранет за сообраќај и од двете страни на клучките кај бензиските пумпи се пренасочува низ Битола.

Истиот затворен ќе биде додека „Македонија пат“ во содејство со Инспекторатот за државни патишта донесат одлука дека оваа делница е безбедна.

Инаку ова свлечиште над Битола при поголеми врнежи е активно последните две до три години и според некоја статистка на надлежните, одтогаш до денес од коловозот се отстранети на 5.000 метри кубни земја и карпи.

Стевче Митревски