Стапката на невработеност падна на 24% во вториот квартал

Продолжува тренодт на намалување на стапката на невработеност. Според последните податоци на Државниот завод за статистика, стапката на невработеност во второто тримесечје од годинава падна на 24%.

Податоците покажуваат дека стапката на активност во овој период изнесува 56,5, додека стапката на вработеност 42,9 отсто.

Во второто тримесечје од 2016 година бројот на активното население во Република Македонија е 948.376 лица, од кои вработени се 720.674, а 227.702 лица се невработени.

Во првиот квартал од годинава, стапката на невработеност изнесуваше 24,5%. Во споредба со вториот квартал од минатата година, стапката на невработеност е пониска за 2,8%.