Рудолф Шустер- почесен доктор на науки на битолскиот универзитет

Големиот пријател на Македонија и на македонскиот народ, лауреатот Рудолф Шустер, стана почесен доктор на науки на Универзитетот „Свети Климент Охридски“- Битола. Поранешен претседател на Репулика Словачка, истакнат политичар, книжевник, литературен деец, добар пријател со загинатиот претседател Борис Трајковски. Шустер изрази голема благодарност за признанието, а се осврна и на политичката состојба кај нас, најавувајќи ја својата верна поддршка на Македонија на патот кон ЕУ. 

„Сметаме дека господин Рудолф Шустер ќе биде идниот амасадор на нашиот универзитет, но и на Република Македонија во Евроинтеграциските процеси“, рече Сашо Коруновски, ректор на универзитетот „Свети Климент Охридски“. 

„Чинот на доделување на признанието на господин Шустер има три важни историски димензии. Првата е државничка и се однедува на прерано починатиот претседател и визионер на Република Макеоднија, Борис Трајковски, втората е големиот чин во високообразовните вреднувања кај нас, и третата е естетската димензија на духовната посветеност на господин Шустер на уметноста“, рече Јордан Плевнеш.  

Ова признание се доделува во година кога се чествуваат и 1.100 години од упокојувањето на Свети Климент Охридски, најдаровиотиот ученик и продолжувач на делата на Светите браќа Кирил и Методиј. Чин кој ја потврдува нераскинливата врска помеѓу словенските народи.

Ружица Ѓоршевска