Пет апликации за иновативни решенија во јавниот транспорт
За нешто повеќе од еден месец ќе се знае кои проекти ќе бидат поддржани од Фондот за иновации. Со третиот повик треба да се распределат вкупно 450 илјади евра, да се поддржат микро, мали и средни фирми, како и спин- оф претпријатија. Финансиите се важни за поттикнување на претприемништвото и креативниот дух. На пример, на повикот за изработка на софтверски решенија за подобрување на јавниот градски превоз досега пристигнале пет апликации...
До крајот на октомври ќе се знаат кои се новите најдобри креативни идеи наградени од Фондот за иновации на третиот јавен повик отворен во јуни. За грантот тежок 450 илјади евра се пријавиле стартап, микро, мали и средни претпријатија не постари од шест години. Досега се доделени околу 1,3 милиони евра за иновативни решенија на 33 корисници.
„Во моментот Фондот за иновации има 33 корисници, дел од нив веќе ги завршуваат своите проекти. Навистина сме горди на продуктите кои излегоа од грантовите шеми. Доделени се милион и 300 илјади евра, а до крајот на октомври очекуваме да имаме нови корисници. Повикот кој што беше објавен, за кој што и ќе се одлучува, изнсува 450 илјади евра за 15 старт ап претпријатија“, изјави директорката на Фондот за иновации и технолошки развој, Јасмина Поповска.
На повикот една компанија може да добие максимум 30.000 евра, а ќе се оценуваат степенот на иновативност на проектите, пазарниот потенцијал и дали се наменети за извоз. Иновативни решенија ќе се бараат и за оптимизација на транспортните услуги за најфрекфентните автобуските линии со цел развивање на прототип на паметна автобуска постојка. Пет екипи се пријавиле за учество на за изработка на софтверски решенија.
„Планираме да направиме оптимизација на линиите. Понудени се пет линии, оние кои се најоптоварени. Преку самата оптимизација се надевам дека ќе добиеме поефикасен, побрз и покомфорен превоз за нашите патници“, вели Игор Јанушев од ЈСП.
Од Факултетот за информатички науки очекуваат овој број да се зголеми, а најкреативните и технички способните екипи успешно да се соочат со предизвикот.
„Ги покануваме сите студенти, млади стартапи да се пијават по екипи, да дадат свое предлог решение и алгоритми за овие два натпревари“, рече деканот на ФИНКИ, Иван Чорбев.
За најдобрите решенија на натпреварите е предвидена парична награда од 45.000 денари, но може да се изберат патување или пак рекламирање.
Дијана Ценевска