Ременски: Достоинствен живот за старите лица

Достоинствена старост и грижа за старите лица- порача министерката за труд и социјална политика Ременски по повод утрешниот Меѓународен ден на стари лица. Го посети старскиот дом Мајка Тереза каде има згрижено 68 корисници. По тој повод порача достоинствени здравствени услуги и поголема грижа од институциите, и државна субвенција за оние кои не можат да ги платат услугите.

Достоинствена старост, не само пензија, туку и повисок животен стандард, подобри и подостапни здравствени услоги, поголема грижа од институциите. Затоа продолжуваат сите активности во делот на поттикнувањето на институциите на државата и на приватните лица во инвестиција за сместување на старите лица, но исто така и државна субвенција за помош на лицата кои немаат средства и услови да го платат сместувањето во приватните или во државните установи за згрижување лица, рече министерката за труд и социјална политика.