Гутерес ќе биде новиот Генерален секретар на ОН

Поранешниот португалски премиер и Висок комесар за бегалци на светската организација Антонио Гутерес, е единствениот фаворит за функцијата Генерален секретар на Обединетите Нации, по тајното гласање во Советот за безбедност.

Формалната одлука ќе биде донесена по гласањето на 193-те земји членки.

„Му честитам на изборот на новиот Генерален секретар Антонио Гутерес. Ми беше задоволство да бидат кандидат во најтесниот круг за Генерален секретар на светската организација која е клучна за мирот во светот. Република Македонија може да биде горда како нејзиниот кандидат ја претстави кандидатурата“, изјави д-р Срѓан Керим по одлуката на Советот за безбедност, за време на презентацијата на својата најнова книга „Глобализацијата и дипломатијата“ во македонската амбасада во Вашингтон. 

Ирина Гелевска, постојан дописник од Вашингтон за МРТ