Колумбискиот претседател ќе ги донира парите од Нобеловата награда за жртвите од војната со ФАРК

Колумбискиот претседател Хуан Мануел Сантос ќе ги донира парите од Нобеловата награда за мир за жртвите од 52-годишниот воен конфликт со бунтовниците на ФАРК.

По четиригодишни преговори, колумбиската влада и левичарските револуционерни сили потпишаа мировен договор чијашто ратификација не беше прифатена на референдумот од 2 октомври.

Со документот се предвидува целосно разоружување на бунтовниците и формирање специјален суд за воените злосторници, а за возврат, ФАРК требаше да се вклучат во домашната политика.

Во судирите од 1964 година загинаа околу 260 илјади луѓе, а над шест милиони беа раселени.