Предвремено гласање во САД: Клинтон и Трамп речиси изедначени

Над 23 милиони Американци веќе гласале на предвременото гласање во 37 држави. Една четвртина од пријавените гласачи веќе гласале во Флорида, Колорадо и Невада, а во Тексас бројот на заинтересирани за предвреме гласање е зголемен во однос на последните избори. На предвременото гласање најмногу својот глас го дале Латиноамериканците, а најмалку се заинтересирани младите Американци. 

„Го дадов својот глас како што сакав и повеќе не чуствувам притисок од чекањето“.

„Требаше да станам во 5 часот наутро“.

„Не мислев дека ќе има голем одѕив“- велат гласачи од Хјустон, Тексас.

До веста за обновената истрага на ФБИ, гласале околу 18 милиони гласачи. Во 8 американски сојузни држави, гласачите коишто веќе гласале на предвремените избори може да го променат својот глас за кандидатот. Меѓу овие држави се и клучните Њујорк, Пенсилванија и Конектикат.

Викендов по веста за истрагата за и-мејловите на Хилари Клинтон од страна на ФБИ, забележан е помал одѕив на Афроамериканците во Северна Каролина. Предвреме, својот глас го даде и актуелниот претседател Барак Обама на гласачко место во Чикаго. До крајот на рокот за предвремено гласање на 4-ти ноември, се очекува да гласаат над 40 од пријавените 50 милиони гласачи.

На 8-ми ноември освен за претседател, се глса и за избор на сенатори, конгресмени, гувернери,а во главниот американски град дали Дистриктот Колумбија ќе стане нова сојузна држава.

Ирина Гелевска, постојан дописник од Вашингтон за МРТ