Ердоган: Германија стана „засолниште за терористи“

Турскиот претседател Ердоган изјави дека Германија станала „засолниште за терористи“, обвинувајќи го Берлин дека не сака да екстрадира поддржувачи на исламскиот проповедник Фетулах Ѓулен.

Ердоган истакна и дека Германија долго време крие борци на Курдската работничка партија и на екстремистичката група Револуционерна партија и Фронт за народно ослободување.

Изјавата на Ердоган следува по обвинувањата што вчера ги упати германската канцеларка Меркел, која ја критикуваше Анкара поради апсењето на главниот уредник на опозицискиот весникот „Џумхуриет“.